Tjorehagen - 
Rhododendronhagen på Radøy  -  Livsverket til naturkunstnaren Olav Tjore

Tjorehagen er livsverket til Olav Tjore, ein hage dei fleste kjem tilbake til gong etter gong etter først å ha vore der.
I 1960 starta det årelange arbeidet med å omforma myr og utmark til ein prydhage kjend også utanfor Norges grenser

Leplanting gjorde hagen til ein lun oase som gav gode forhold for sjelden planter. Klimaet og den sure jorda gjorde hagen særleg eigna for Rhododendron.

Nøkketjørn
I løpet av 15- 20 år grov Olav ut den fine  dammen Nøkketjørn. Alt arbeidet i hagen gjorde Olav med handemakt.
Sjølv etter han vart sjuk i 1995, held han entusiastisk fram og fekk hagen utvida med fem nye mål.
Draumen vart eit stort vannanlegg med ei steinbru.
Desverre fekk han ikkje sjølv arbeidd så mykje i hagen pga. sjukdommen, men han fekk oppleva å sjå brua stå ferdig  sommaren  1998. 
 
Olav  gjekk bort 3/11 1998. Livsverket som han jobba med i 38 år lever vidare.

Steinbrua - som bind saman den gamle og den nye hagen, er tørrmurt  etter gamal metode  med låsestein. Muringa av brua vart gjort  av   Arvid Registad og John Petter Havnerås. 

Stiftinga Tjorehagen
Olav Tjore oppretta i 1997 Stiftinga Tjorehagen, som han testamenterte livsverket sitt til.

Stiftinga har sidan 1998 eigd og stått for drift og vidareutvikling av hagen. Styret står også for den daglegdrifta i hagen.

Styret i Stiftinga Tjorehagen:
Torhild Kvingedal (leiar)    tlf. 95158756
Kari Evensen Natland
John Petter Havnerås tlf. 56 37 10 81
Bjørn Moe
Gunnbjørg Øyre 56 52 63 14

STIFTINGA TJOREHAGEN
5938 SÆBØVÅGEN
Tlf.  95158756 / 56 37 10 40 

Fakta om Tjorehagen:

* Ca 15 mål stor naturhage påbyrja av Olav Tjore i 1960. 

* Stiftinga Tjorehagen har i dag eit areal på ca 40  mål. 
I  delar  av det nye arealet har ein nett byrja rydda  stiar. 

* Ein stor og fleire små dammar. Idylliske stiar, som delvis er tilrettelagt for rullestolbrukarar.

* I alt kring 2000 tre og buskar. Av dette opp mot 400 ulike Rhododendron typar, av desse fleire arter som er sjelden i skandinavisk samanheng.

* Kring 20 fuglearter hekkar i hagen.

* Ei steinbru ferdiggjort sommaren 1998 knyter saman den nye og den gamle delen av hagen.

* Hagen har ei eiga Venneforeing med kring 250 medlemmer. Hagen er i dag eigd og dreven av Stiftinga Tjorehagen.

* Hagen ligg sør i Radøy kommune, tett ved Rv 565. Etter Nordhordlandsbrua tek ein mot Radøy i Isdalstø krysset. Ein heldt fram over Alversund-brua, og ca 5,5 km nordover mot Manger finn ein hagen.